Новости колледжа

12.10.19. Өзбекстан елінде Жастар арасында әлем чемпионатында Орал гуманитарлық-техникалық колледжінің түлегі Бақыт Ерасыл 1 орынға ие болып Әлем чемпионы атағын иеленді. Ерасылдың жаттықтырушысы Есенғалиев Бірлес 2003 жылғы колледж түлегі. ОГТК түлектерін жеңістерімен шын журектен құттықтаймыз!!

Бурабай қаласында өткен «Менің Отаным Қазақстан» жас туристер слетының жүлделі 1 орын иегірі 0103000 «Дене тәрбиесі және спорт» мамандығының 2а КШФ тобының студенті, «Жас Отан» жастар қанаты бастауыш бөлімшесінің белсенді мүшесі Әділгереев Артурды жеңісімен құттықтай отырып, әрқашан үлкен белестерден көрінуін тілейміз!!!

10.10. күні Х.Есенжановатындағы балалар және жасөспірімдер кітапханасында Фариза Оңғарсынованың 80 жылдығына арналған «Жыр менің Планетам» тақырыбында ақынды еске алу кеші өтті. Кештің мақсаты: ақынның шығармашылығын ұрпаққа насихаттап дәріптеу. Кеште ақынның әндері шырқалып өлеңдері оқылса, Орал гуманитарлық-техникалық колледжінің «Қазақ тілі мен әдебиеті мұғалімі» біліктілігінде оқитын 4б ҚМҚ топ студенті, жас Фаризатанушы Едігенов Нұрлан ақынның өмірінен сыр шертіп, «Фаризатану» жобасын таныстырды. Салтанатты жиын соңы Фариза Оңғарсынованың «Сағынып оралар ма ем» әнімен аяқталды.

10.10 күні болашақ мамандардың педагогика пәнінен білімдерін байқау ретінде Педагогика кафедрасы оқытушылары А.Т.Мажитова, Л.Ж.Темирова, Б.Б.Конарованың ұйымдастыруымен «Білім беру кеңістігіндегі болашақ педагогтың рухани-адамгершілік тұлғасы» атты педагогикалық олимпиада-2019ж 3-4 курс студенттерінің арасында оздырылды. Педагогика кафедрасының жетекшілігімен әр оқу жылы өткізілетін осы олимпиаданың мақсаты - педагогикалық мамандықтың мәртебесін көтеру, кәсіби бағытталған дарынды жастардың қабілеттілігін арттыру, зерттеушілік-ізденушілік бағытын таңдауға, педагогикалық өз ойын білдіру тәсілдерін және жеке шығармашылық жолын табуға мүмкіндік береді. Қатысушы топтар «Шығармашылық шабыт», «Теория», «Миға шабуыл», «Эмоцияға ерік бер» кезеңдері бойынша өздерінің білімдері мен шығармашылық қабілеттілігін көрсете білді. Шара соңында әділқазылар алқасы әділ бағасын беріп, марапаттау рәсімі өткізілді. Нәтижесінде 3бКДО «Камета» тобы І орын, 3КШИ «Талапкер» тобы ІІ орын, 4бКШО «Болашақ» тобы ІІІ орынды иеленді, қалған топтар қатысқандары үшін сертификатпен марапатталды.

09.10 күні Орал гуманитарлық-техникалық колледжінің «Жас Отан» жастар қанаты бастауыш бөлімшесінің белсенділері және «Достық» еріктілер клубының белсенділері «Бастау» коворкинг орталығында оздырылған «Орал Студенттерінің Альянсы» коорпоративтік қоры қолдауымен волонтерлерге арналған «Адам мимикасы. Есте сақтау» тақырыбында семинар-тренинг ұйымдастырылды. Мақсаты: волонтерлердің қарым-қатынас дағдыларын, топтың өзара әрекеттесу әдістерін, тактильді қабылдауды дамыту, есте сақтау қабілетін арттыру.

2019 жылдың 02-07 қазан күндері аралығында Алматы қаласында қол күресінен 10 елден жиылған 500-ден астам жасөспірімдер, жастар және қыздар арасында өткен ашық Азия Кубогінен Орал гуманитарлық-техникалық колледжінің 0103000 «Дене тәрбиесі және спорт» мамандығында білім алатын 3а КШФ топ студенті Көшкенғали Рахат олжалы 2 орынды иеленді. Жарысқа Қазақстан Республикасының ұлттық құрамында Батыс Қазақстан облысының спортшылары қатысты.

FaLang translation system by Faboba