Колледж жаңалықтары

Бүгінгі таңда білім беру мазмұнын жаңарту өте маңызды өзгерістерге ұшырауда. Білім беру мазмұнын жаңарту - сапалы білім, жарқын болашаққа негіздеп, бірқатар жетістіктер формуласын ұсынған үлгі және оқу-тәрбиелік үрдісті жан-жақты жаңа әдіс-тәсілдермен ұштастыру болып табылады. Осыған орай, 13-қаңтар күні колледж оқытушылары мен үшінші жыл білім беру мазмұнын жаңарту жөнінен республикадағы 30 пилоттық мектептің бірі - М.Б.Ықсанов атындағы №36 орта жалпы білім беретін мектептің мұғалімдері қатысқан «Жаңартылған бағдарлама – білім берудің жаңа мазмұны» тақырыбында оқу семинары ұйымдастырылды.

Елімізде орта білім беру мазмұнын жаңарту шеңберінде білім беру үдерісінің құрылымы мен мазмұнына елеулі өзгерістер енгізілуіне байланысты қаламыздағы «Өрлеу» БАҰО АҚ филиалы Батыс Қазақстан облысы бойынша педагогикалық қызметкерлердің біліктілігін арттыру институтының лекторларымен 12-қаңтар күні Орал гуманитарлық - техникалық колледжі мен Ж.Досмұхамедов атындағы педагогикалық колледжінің оқытушыларына арналған «Жаңартылған білім беру бағдарламасы негізінде сабақты жоспарлау мен критериалды бағалау» және «Білім беру мазмұнының жаңаруы негізінде критериалды бағалауды қолданудың ерекшеліктері» тақырыптарында оқу семинары өтті.

15 қаңтардан бастап оқу бағдарламасына сәйкес екінші семестр басталды. Колледж бойынша 33 топ бар, топ жетекшілері Елбасының Қазақстан халқына Жолдауын студенттермен топ сағаттарында танысып, талдады және алдағы уақытта да жалғасын табады.

13 қаңтар күні Орал гуманитарлық - техникалық колледжі ұжымы 2018 жыл 10 қаңтар күні Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауы талқылады. Жиналысты колледжіміздің атқарушы директоры, э.ғ.к. Утарбаева Ляззат Жетебаевна ашып, Елбасының кезекті Жолдауының мақсат-міндеттеріне шолу жасап, Қазақ елінің жаңа әлем көшбасшыларының қатарына қосылатынын сенімді көзқараспен айтты.

FaLang translation system by Faboba