Колледж жаңалықтары

22 қыркүйек айында қазақ тілі мен әдебиеті пәнінің оқытушысы Г.Н. Тасқалиева облыстық білім басқармасының ұйымдастыруымен өткен «Алаш жырының Ақ шағаласы» атты кәсіптік және орта арнайы білім беретін ұйымдарындағы қазақ тілі мен әдебиеті мұғалімдері арасында атты байқауда жүлделі І орынды иемденді. Бағалы сыйлықтар, планшет сыйлады.  Байқауға әділқазы мүшелерінің төрағасы болып М. Өтемісов атындағы БҚМУ-ң педагогика, психология факультетінің деканы А.С. Қыдыршаев төрелік етті. Әділқазы мүшелері: «Жайық ұстазы» газетінің редакторы А. Таубаева, облыстық Дәулеткерей атындағы қазақ халық аспаптарының көркемдік жетекшісі- Е. Нұрымбетов, ономастикалық жұмыс және көрнекті ақпаратты бақылау бөлімінің бас маманы - Г.Ж. Әлжанова, «Орал өңірі» газетінің тілшісі А.М. Жұмаева,  облыстық білім бөлімінен М.М. Сапарғалиев, облыстық ішкі істер басқармасының ұйымдастыру бөлімінің бас маманы- Г.М. Аргенова.  Байқау ІІ кезеңнен құралды. І кезең  бойынша алдын-ала эссе жазылып, іріктеуге өткен болатын. Байқаудың ІІ кезеңі Орал газ, мұнай және салалық технологиялары колледжінде  өтті. Жалпы 10 үміткер қатысты. ІІ кезеңнің 1 туры ұяшық таңдап жасырынған өлеңді мәнерлеп, жатқа оқу. Таңдау бойынша ақынның  «Оралдым, саған Оралым» өлеңі түсті.2 тур бойынша ақын сөзіне жазылған әнді орындау, бұл тапсырма бойынша И. Жақановтың әніне жазылған «Оралдың ерке самалы» әнін орындады.  

       

01.10 күні А.Бақтыгерееваның 70 жылдық мерейтойына арналған «Ақжайықтың ақ шағаласы» атты студенттер арасында ұыймдастырып,ақынның оқулары байқауын өткізді. Мақсаты: Студенттерді  А.Бақтыгерееваның өмір жолымен, шығармашылығымен, өлеңдерімен таныстыру отанды, туған жерді сүюге тәрбиелеу, ақын жырларынан үлгі алу, студенттің сөйлеу мәдениетін дамыту, эстетикалық талғамы бар студентті дайындау.

Байқау 3 кезеңнен болды. «Мен ақынды білемін», «Алтын қақпа», «Ақынға арнау».

1 орын 2в КШК тобының студенті Сырымов Меңдібек, 2 орын 1б КШК тобының студенті Әлібекова Дана, 3 орын  Муханова Назерке – 2б КШК тобының студенттері иеленіп, марапатталды.

«Ақжайықтың ақ шағаласы» байқауы

 

 2014 жылы 25 қыркүйек айы қазақ тілі мен әдебиеті кафедрасы ұйымдастырумен І, 2 курс арасында «Тіл білгірі» байқауы өтті. Байқауға 4 топ бес студенттерден қатысты: «Достар», « Ана тілі», «Жас қыран» және «Бәйтерек» топтары ат салысты. Сайыс 5 кезеңнен тұрды. «Жас қыран» тобы – 1орын, «Бәйтерек» тобы- 2 орын, «Ана тілі»- 3 орын жүлдегері болды. Шараның мақсаты: студенттердің  өткен тақырыптар  бойынша  алған  білімдерін пысықтап,  ой-өрісін,  білім  деңгейін кеңейту;түрлі әдіс-тәсілдер арқылы  студенттердің тіл  байлығын, ойлау қабілетін, қазақ тілінде еркін сөйлеу шеберлігін жетілдіру;студенттердің мемлекеттік тілге деген қызығушылығын арттыру, Отанын, туған жерін, елін сүюге, халық дәстүрін сыйлауға тәрбиелеу. 

22 қыркүйек күні – Халықтар тілдері күніне арналған қазақ тілі мен әдебиеті пәнінің оқытушылары М.С.Нурмукашева мен Н.Қ.Султанова ұйымдастырумен «Ұлттар достығы» фестивалін өткізді. 3бПД мен 3бРШИ тобы қазақ, татар, орыс,өзбек,украин ұлттар киімдерін киіп, сол ұлттар тілінде қонақтарды құттықтады. Шараның мақсаты: ана тілін сүюге, оны қадірлеуге, құрметтеуге баулу. Тіл құдіретін, қасиетін білуге тәрбиелеу.

«Ұлттар достығы» фестивалінен  көрініс

 

16.09.2014ж оқытушы А.Т. Зайнуллина  І, ІІ, ІІІ курс КДО, КШО топтары арасында тіл айлығы шеңберінде  «Драма» үйірмесінің «Ертегілер елінде...»  әдеби байқауын өткізді. Шараның мақсаты: дарынды студенттерді іздестіру, олардың актерлік қабілеттерін дамыту.  Байқауға алты топ қатысты. І бөлім ертегілерден сахналық көрініс көрсету, ІІ бөлім сұрақтарға жауап беру, ІІІ бөлімде қатысушылардың шапшаңдығы мен тапқырлығы сынға түсті. Берілген уақыт ішінде  белгілі бір тақырыпқа ойдан ертегі құрастырды. Топтар жақсы дайындалып, белсенділіктерін, білімдерін көрсетті.   Байқау қорытындысы бойынша І орын 1б КШО тобы, ІІ орын 3б КШО тобы, ІІІ орынды 2в, 2г КДО топтары иеленді.

 

2014 жылы 3 қыркүйек айында қазақ тілі мен әдебиеті кафедрасы «Ана тілім  – арманымның ақ шыңы»   тақырыбындағы  айлығының ашылу рәсімін өткізді. Н.Қ. Султанова- қазақ тілі мен әдебиеті кафедрасының меңгерушісі айлық басталуымен    студенттер мен оқытушыларды құттықтап, негізгі шараларға шолу жасап, пән айлыққа белсенді қатысуға шақырды. 1бКШК, 2бКШК тобының студенттері қазақ тілі туралы әдемі өлеңдермен рәсімін жалғастырды.

 «Ана тілім  – арманымның ақ шыңы» айлық   шеңберінде қазақ тілі мен әдебиеті пәнінің оқытушысы Л.Н. Нагимова 1б КШК тобымен бірге Х. Есенжанов атындағы кітапханасында елбасымыз Н.Ә Назарбаевтың жолдауында  «Бір халық, бір мүдде, бір болашақ-2050 стратегиясы» туралы,   «Алтын заңым- ерлігімнің, елдігімнің нышаны» тақырыбында тәрбие сағаттарына қатысты.

 05.09 күні Елбасымыз Н.Ә  Назарбаев айтқандай « Үйдің берекесі  қабырғасының қиюымен емес, теңінің жиюымен, отбасындағы сыйластықпен, татулықпен кіреді»  деген екен.  Сондай-ақ  елбасымыз  жаңа  кезеңдегі  әлеуметтік саясаттың маңызды құрамдас бөлігі ретінде,  ана мен баланы қорғауды жариялады, тағы бір сөзінде « Сендер- отбасының, демек, мемлекеттің тірегісіздер»  деп айта кеткендей  7 қыркүйек аналар күні  және отбасы күні ретінде шешім қабылданды, соған орай колледжімізде айлық аясында     « Анамыз бар мейірлі» атты тақырыбында әдеби-сазды кеш өткізді.

Кеш жүргізушілері: Қуандықов Ербол ,                       Кеш өнерпаздары

                               Ахмедиярова  Балқия 

  

 Ұстаз-аналар мерекені тамашалауда

FaLang translation system by Faboba