Колледж жаңалықтары

13.12.18 күні Ұлы дала елінің Тәуелсіздігіне 27 жыл толу мерекесі қарсаңында Орал гуманитарлық-техникалық колледжінде «Тәңірдің тәтті сыйы - тәуелсіздік» атты 3-4 курс студенттерімен бірлесе отырып шара оздырылды. Шараның мақсаты студенттерге бостандық, теңдік, тәуелсіздік ұғымдарын кеңінен түсіндіру, білімдерін кеңейту. Отан байлығын қорғауға, болашақта Отанымыз – Қазақстанды өркендетуге баулу. Туған жеріне, еліне деген сүйіспеншіліктерін арттыру, студенттерге патриоттық тәрбие беру.   

Колледж кітапханашысы 07 желтоқсан күні  4б КШО тобымен «Жемқорлыққа жол жоқ!» тақырыбында іс-шара өткізді. Онда жемқорлыққа байланысты шағын ақпараттармен бейне- баяндар көрсетілді. Қатысушыларға кітапханашы тарапынан жемқорлыққа байланысты арнайы сұрақтар қойылды. Бұл сұрақтарға студенттер емін-еркін жауап беріп, өз ойларын ортаға салды. Шара сонында «Жемқорлыққа жол жоқ!» тоқсан ауыз сөздің түйіні толықтай түйілді.     

07.12.18 күні Орал гуманитарлық-техниалық колледжінде «9-желтоқсан сыбайлас жемқорлыққа қарсы күрес» күніне орай Батыс Қазақстан облысындағы айлықтың іс-шаралар жоспарының 13-тармағына сәйкес «Сыбайлас жемқорлықпен күрес-ортақ парызымыз» атты  дөңгелек үстел оздырылды. 

06.12.18 күні Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша департаменті М.Өтемісов атындағы Батыс Қазақстан мемлекеттік  университетімен бірлескен облыстық форумы өтті. 

06.12.18 күні «Сыбайлас жемқорлыққа жол жоқ» тақырыбында сыбайлас жемқорлық деген ұғым, оның пайда болу жағдайлары заңбұзушылық көбіне не себепті туындайтыны, қай жағдайларда жиі кездесетіні, жемқорлықтың негізгі себептері неде? деген сауалнамаларға 1-4 курс студенттерден әр түрлі пікірде жауаптар алынды.

05.12.18 күні «9 желтоқсан – сыбайлас жемқорлықпен халықаралық күрес» күніне орай ұйымдастырылған «Қазақстан бүгін және болашақта» атты айлықтың іс-шарасына 2,3,4 курс студенттерімен пікір-сайыс турнирі ұйымдастырылды. Пікір-сайысты ұйымдастырушы «Жаратылыстану және қоғамдық пәндер» кафедра меңгерушісі Утегенова Н.А. Бұл пікір-сайыс турнирінің мақсаты студенттердің болашаққа деген бағыт-бағдарын айқындап, болашақта Қазақстанды қай тұрғыда, қалай елестете алатындарын әңгімелеп, тақырыпқа сай презентация қорғап ауқымды көлемде  түсінік берді.

FaLang translation system by Faboba