Колледж жаңалықтары

09.04.19 күні сағат 12.00-де Қазақстан Республикасының Президенті Қасым-Жомарт Тоқаевтың Қазақстан халқына үндеуін «Хабар» телеарнасынан Орал гуманитарлық-техникалық колледжі ұстаздар ұжымы және жоғарғы курс студенттері тікелей эфирден тыңдады.

6 сәуір сенбі күні жалпықалалық сенбілікке Орал гуманитарлық-техникалық колледжі ұжымы мен студенттері атсалысып, Светлая және Сырым Датұлы көшелері қиылыстарын қоқыстардан тазартты.

«Жасыл ел-жасыл Орал» қалалық айлықтың сенбілік жоспарына сай, 06.04.19 күні Орал гуманитарлық-техникалық колледжінің мұғалімдер ұжымы және студенттерінің қатысуымен «Өзіңнен баста-Начни с себя!» ұранымен қоршаған ортаға деген жауапкершіліктерін арттыру мақсатында «Таза қала» атты қала аумағында көпшілік сенбілік ұйымдастырылды.

2019 жылдың 2-сәуір күні, Орал гуманитарлық-техникалық колледжінде «Жастар жылы-жаңа леп, жаңа толқын» атты жастар жылының ашылу салтанаты өтті. Жастар жылының ашылу салтанатына спикер ретінде «Жас Отан» жастар қанатының төрағасы Н.Қ.Жолдасқалиев, Ж.Досмұхамедов атындағы жоғары педагогикалық колледжінің жастар ісі-жөніндегі менеджері А.М.Махамбетова, АСК директоры М.С.Кунеев, агроколледждің жастар ісі-жөніндегі менеджері, Қадыр Мырза Әлі атындағы мәдениет және өнер орталығының әдіскері О.Мендіқұлов қатысты.

29 наурыз күні Орал гуманитарлық-техникалық колледжінде студенттердің дипломалды практика қорытындысы бойынша конференциясы ұйымдастырылды. Конференцияға колледж құрылтайшысы Ш.Х. Құрманалина, атқарушы директор Л.Ж. Утарбаева, әкімшілік мүшелері, қала мектептерінен, бөбекжайларынан мұғалімдер, тәрбиешілер шақырылды.

Колледж құрылтайшысы, п.ғ.д., профессор Ш.Х.Құрманалина М.Б.Ықсанов атындағы 36 ОЖББМ-де өтіп жатқан «BATYS O’SY’ VEKTORY» жобасының бастауыш сынып және «Өзін-өзі тану» пәні мұғалімдеріне арналған кезеңінің «Мамандық туралы арман мен ой» сұхбаттасу алаңына қатысып, мамандық таңдаудың қыр-сырына, өз қызметінің кезеңдеріне, ғылым жолына қалай келгендігіне тоқтала отырып, өз өмір жолы туралы сыр шертті. 

FaLang translation system by Faboba