Колледж жаңалықтары

07.04.17 күні 3б КШО тобының студенттері «ЭКСПО – 2017» көрмесіне байланысты тәрбиелік шара өткізді. Шараның тақырыбы « Болашақ қуат аймағы Экспо -2017» деп аталды. Тәрбиелік шараның мақсаты Елордамыз Астана қаласында 10.06 -10.09 аралығында өтетін көрмеге байланысты топ студенттеріне мағұлмат беру болды. Шарада экспо көрмесінің тарихы және Елордамыз Астана қаласындағы экспо туралы айтылды.  

Студенттерге наурыз мейрамы туралы түсінік беру арқылы халқымыздың салт – дәстүрін, әдет — ғұрпын үйрете отырып, «Наурыз» қазақтың ұлттық мейрамы екенін ашып көрсету және оны құрметтей білуге тәрбиелеу мақсатында Орал гуманитарлық-техникалық колледжінің 1-4 курс аралығында наурыз тақырыбына арналған шаралар оздырылып,  «Нұр себеле, Ұлыстың Ұлы күні!» атты шарамен қорытындыланды.

Наурыз –– біздің ата – бабаларымыз, арғы тегіміз мыңдаған жылдардан бері тойлап келе жатқан жыл басы мерекесі. 

Ұлыстың ұлы күні  музыкалық білім алып жатқан колледжіміздің студенттері үшін нағыз мейрам болды.  Ұстаздары мен қонақтарды – қол алысып  көрісейік,

Ақ ниетпен бөлісейік,

Болмасын деп жамандық,

Жылдан жылға аман сау жетіп,

Шалқып-тасып жүрейік –деп қарсы алып ,дәм-тұз ұсынылды.

16.03.17. Орал гуманитарлық – техникалық колледжінің 3б КШО студенттері Жұбан Молдағалиев атындағы қалалық кітапханада өткен «Қош келдің - Наурыз» атты шараға қатысты. Шараға колледж студенттерімен бірге балалар үйінің бір топ балалары да шақырылған. Кеш өте жоғары деңгейде ұйымдастырылған. Әжелер шашу шашты. Шара барысында түрлі қазақ халқының салт –дәстүрлері, ойындары және ырымдары көрсетілді.Ойынға қатысқан балалар сыйлықтармен марапатталып отырды. Атап айтсақ, асық ойыны, арқан тарту, күш сынасу тағы сол сияқты бір аяқпен иық түйістіру т.т.

 14.03.17ж  күні колледждің өзін-өзі басқару ұйымы мен Орал гуманитарлық-техникалық колледж студенттер Альянсы штабы ұйымдастыруымен Қазақстанның батыс аймағында ерекше тойланатын «Көрісу Айт» мерекесіне орай колледж ішінде шара ұйымдастырды. 

15.03.17. Жаратылыстану және қоғамдық пәндер кафедрасы айлығы барысында «Жас эколог» жетекшісі: Ф.К. Иштаеваның ұйымдастыруымен клуб мүшелері Батыс Қазақстан облыстық салауатты өмір салтын қалыптастыру орталығы «Жалын» жастар демократиялық орталығы мамандарымен кездесу ұйымдастырды. «Дұрыс тамақтану» тақырыбында маман Құрмашева Мөлдір семинар-тренинг өткізді. Сағаденова Назым Мұхамбетқалиқызы «Мен туберкулезді тоқтата аламын» тақырыбына тренинг жүргізді. Студенттер тек мағлұмат алып қоймай сұрақтар қойып, өз ойларын толықтай айтып отырды. Мамандар қойылған сұрақтарға жауап беріп отырды.

FaLang translation system by Faboba