Колледж жаңалықтары

06.05.2019 күні Орал гуманитарлық-техникалық колледжі акт.залында 9-мамыр Ұлы Жеңіс күніне арналған «Ер есімі-ел есінде» атты мерекелік шара оздырылды. Шараға қан майдан кезінде тылда жұмыс жасаған ардагер әже облыстық «Әжелер ару-ана» ансамбілінің жетекшісі Саржанова Клара Бақтығалиқызы қатысты. Жеңіс күніне арналған шарада шығыстан шыққан қос жұлдыз пулеметші Мәншүк Мәметова мен мерген Әлия Молдағұловаға тағзым ете отырып еске алдық.

4 мамыр 2019 жылы Орал гуманитарлық-техникалық колледжде жыл сайынғы өткізілетін «Рухани-адамгершілік қасиеттерімен дамыған, бәсекеге қабілетті ХХІ ғасырдың маманы» атты «Жыл студенті-2019» байқауы ұйымдастырылды.Заманауи мұғалімге өз саласында қажетті болу үшін, өз ісінің маманы, жан-жақты, креативті болу керек! Осы қасиеттерді 4 курс студенттері "Жыл студенті-2019" кәсіби шеберлік байқауында көрсетті.

Алматы қаласында III Халықаралық «Жеті Өнер» жастар шығармашылық фестиваль конкурсы өтті. Оған Орал гуманитарлық-техникалық колледжінің атынан 3б КШК тобының студенті Едігенов Нұрлан Маралбекұлы «Жас қаламгер» номинациясы бойынша қатысып, «Жеті Өнер» шығармашылық орталығының арнайы «Қазақстан үздігі» төс белгісімен награтталды.

01.05.2019 күні 1 - мамыр Қазақстан халқының бірлігі күні мерекесіне арналған Орал қаласында мерекелік шеру өтті.Орал гуманитарлық-техникалық колледжі ұжымы және белсенді студенттері елді береке-бірлікке, ынтымақ пен татулыққа шақырған шараға барлық оқу орындарымен бірлесе отырып шеруге қатысты.

30.04.19 күні Орал гуманитарлық-техникалық колледжінің жастар ісі жөніндегі менеджері А.А.Алиева және «Жас Отан» бөлімшесінің студенттері «BASTAU» коворкинг орталығында өткен спорт саласының ең үздік жастарымен мотивациялық кездесуге қатысты. Жас үздіктер өз өмірбаяндарымен қатар, әр түрлі бағыттағы спорт жаттығуларын атап өтіп студент жастарға, Орал өңірінің белсенді үздіктеріне мотивация берді.

29 сәуір күні Нұр-Султан қаласында №59 мектеп-гимназия базасында Холдинг «Кәсіпқор» оқу құралдарды жазу жөнінде семинар ұйымдастырды. Семинарда модульдық бағдарламаларына сәйкес ТиПО мекемелері үшін оқу құралдарын жазу тәртібі, қойылатын талаптары түсіндіріліп, қатысушылардың сұрақтарына холдинг басшысы мен Білім министрлігінің өкілі жауап берді.

FaLang translation system by Faboba