College news

06.11. күні «Ғасыр» жастар қоғамдық бірлестігінің ұйымдастыруымен қоғамдағы құқықбұзушылыққа төзбеушілік және жастар арасында сыбайлас жемқорлыққа қарсы мәдениетін қалыптастыруға бағытталған «Жастар бақылауы» жобасы құрылды.Басты мақсат - студенттердің әдеп нормаларын сақталуын, сыбайлас жемқорлыққа қарсы іс-қимыл туралы заңнамаларды түсіндіруді қамтамасыз ету, сондай-ақ ұжымдағы моральдық-психологиялық ахуалдық жай-күйін мониторингтеу. Осыған орай, Орал гуманитарлық-техникалық колледжінің 3-4 курс студенттеріне сыбайлас жемқорлық көріністері және құқықбұзушылықтарды анықтау бойынша анонимді сауалнама өткізілді. 

31.10. күні Орал гуманитарлық-техникалық колледжінің «Жас Отан» ЖҚ бастауыш бөлімшесі және «Достық» еріктілер клубы Қадыр Мырза Әлі атындағы «Мәдениет және Өнер» орталығында оздырылған STUDUNION «БҚО студенттік өзін-өзі басқару ұйымдары кеңесінің форумына» қатысты. Форумның мақсаты: «STUDUNION» кеңесі студенттердің әлеуметтік-маңызды бастамаларын іске асыру, жастардың өзін-өзі басқару жүйесін дамыту, жаңа идеяларды ортаға салу, жоғарғы оқу орны мен колледж суденттері арасында достық қарым-қатынасты нығайту бағытында қаламыздағы барлық студенттерді бір ортаға бейімдеуді мақсат ету. 

30.10. күні Орал гуманитарлық-техникалық колледжінің «Жас Отан»ЖҚ бастауыш бөлімшесі және «Достық» еріктілер клубының белсенділері бірлесіп «City Center» ойын-сауық орталығында оздырылған «Менің туым-менің Отаным» атты патриоттық акцияға қатысты. Акцияның мақсаты: мемлекеттік Туды насихаттап, қазақстандық жастардың туған еліне деген отансүйгіштігін ояту және қазақстандық жастар арасындапатриоттық сезімді нығайтып, Мемлекеттік туды орнатуға тыйым салу стереотипін жою. 

29.10. күні Орал гуманитарлық-техникалық колледжінің «Жас Отан» ЖҚ бастауыш бөлімшесінің төрағасы, «Мектепке дейінгі ұйымдардың тәрбиешісі» мамандығының 3б КШК тобы студенті Канаева Балнұр «Ұстаз тілегі» интернет олимпиадасының «Қараша»-Республикалық Блиц-Турниріне қатысып, жүлделі I орынды иеленді.

FaLang translation system by Faboba