College news

27 қыркүйек күні Орал гуманитарлық-техникалық колледжі жанында «Дарынды жастар – болашақтың кепілі» атты колледж студенттік комитет төрағалығына, өзін-өзі басқару ұйымдары «Жас Отан» жастар қанаты бастауыш бөлімшесі, «Достық» еріктілер клубы белсенді студенттеріне төс белгі тағу рәсімі оздырылды. Колледж студенттік өзін-өзі басқару ұйымдарының төрағасы сайлау бойынша ең жоғары балл жинаған «Дене тәрбиесі және спорт» мамандығында білім алатын 2а КШФ топ студенті, «Достық» еріктілер клубының белсендісі Нұғыманов Алмат тағайындалды. Сонымен бірге, студенттік өзін-өзі басқару ұйымдары төрағасының орынбасары ретінде 2а КШФ топ студенті, «Жас Отан» жастар қанаты бастауыш бөлімшесінің белсендісі Екалиев Рүстем тағайындалды. Салтанатты жиынға қонақ ретінде өңіріміздің белсенді тұлғаларының бірі Ерлік Мерекеұлы Шамғалиев «Жас Отан» жастар қанаты бөлімшесінің төрайымы, 3бКШК топ студенті Канаева Балнұрға және «Достық» еріктілер клубының төрайымы, 2аКШФ топ студенті Тоқтасынова Эльвираға төс белгі тағу рәсімін орындады.

26 қыркүйек күні колледжімізде Орал қаласының менторы Әбілқас Мержан Завушұлының кездесуімен өткен «Жастар – ел болашағы» атты рухани бағыттағы дөңгелек үстел оздырылды. Шараның мақсаты: студент жастарымыздың белсенділік қабілетін арттыра отырып, болашаққа қазірден бастап мақсат қоя білуге ұмтылдыру. Жиын барысында Мержан Завушұлы студенттеріміздің қаншалықты деңгейде жоспар құра алатындықтарын байқау үшін, арнайы психологиялық тренинг ұйымдастырды. Тренинг соңында «Дене тәрбиесі және спорт» мамандығында білім алатын 2а КШФ топ студенттері, «Жас Отан» жастар қанаты бастауыш бөлімшесінің белсенділері Ескалиев Рүстем және Қуанова Диана болашақта өздерінің арман-мақсаттарымен бөлісіп «Мен кіммін?», «Өмірдегі орным қандай?» деген сауалдарға өзіндік ой-пікір білдірді.

24 қыркүйек күні Орал гуманитарлық-техникалық колледжінің «Қазақ тілі мен әдебиеті мұғалімі» біліктілігінің 4б ҚМҚ топ студенттері өңірлік «ЖАСТАР ЖАЛЫНЫ» атты өткен жастар форумына қатысты. Іс-шараға ауданымыздың түрлі салаларында жетістікке жеткен ең белсенді деген 360 -тан аса жас қатысты. Олардың ішінде жас кәсіпкерлер, танымал спортшылар, жоғары және орта білім беру ұйымдарының студенттері мен оқушылары және БАҚ өкілдері болды. Форумда аудан белсенділері сөз сөйлеп, өздерінің жетістікке жету жолдарымен бөлісті. Жастар аудан әкіміне өз ұсыныстарын жолдап, алғыстары мен сыйлақтарын ұсынды.

Еліміздің Елбасы «Қазақстан – 2050 стратегиясындағы: бір мақсат, бір мүдде, бір болашақ» атты Қазақстан халқына жолдауын жүзеге асыру ұзақ мерзімді даму стратегиясының маңызды басымдықтарының бірі өскелең ұрпақтың денсаулығы, білімі мен әл-ауқаты болып табылады. Осы мақсатта 21 қыркүйек күні Орал гуманитарлық-техникалық колледжінің педагогикалық ұжымы мен 1-4 курс студенттерінің арасында «Дене тәрбиесі» кафедрасы оқытушыларының ұйымдастыруымен «Біз қозғалыс үшін жаратылғанбыз» ұранымен «Денсаулық фестивалі - 2019» ұйымдастырылды.

FaLang translation system by Faboba