Колледж жаңалықтары

12.03 күні  Орал гуманитарлық – техникалық колледжінің Дене тәрбиесі мамандығының 1 курс студенттері топ жетекшісі Нагимова  Лаура Айқынқызымен бірге Некрасова-35 мекенжайында тұратын 88 жастағы жалғыз қария Шакенова Нәсіпханым әженің ауласын су басып, үйдің ішіне  тамшы ағып кеткендіктен тазарту үшін көмек қолын созып, барып келді. Студенттерге риза болған әже батасын берді.

05.03 күні «Назерке» клубының жетекшісі Л.А.Нагимова клуб мүшелерінің қатысуымен «Бұрымды қыз» сайысын Қазақ халқының ұрпақтан ұрпаққа жалғасып келе жатқан даналығы мен терең саналығын бойына дарытқан қазақ қыздарының табиғат берген көркемділік – әдемілігімен, сұлулығына тәнті болу мақсатында ұйымдастырды.

26.02 күні, Қазақ тілі мен әдебиеті кафедрасының оқытушылары Л.А Нагимова мен Д.К.Гумарова № 20 ЖОББМ барып, «Мамандығым өмір жолым» атты тақырыбында кәсіби бағдар беру жұмысын жүргізді. Мектеп директорының міндетін атқарушы Ұ.Б.Тлегенова, директорының тәрбие ісі жөніндегі орынбасары Мунира Тулеугалиевамен жүздесіп, кәсіби-бағдар беру жұмысының мақсаты, маңызы туралы кеңесті.

25.02 күні, Қазақ тілі мен әдебиеті кафедрасының оқытушылары Л.А Нагимова мен Д.К.Гумарова Х.Доспанова атындағы №30 ЖОББМ барып, «Мамандығым өмір жолым» атты тақырыбында кәсіби бағдар беру жұмысын жүргізді. Мектеп директорының міндетін атқарушыИманғалиева Райгүл Тасболатқызы,директорының тәрбие ісі жөніндегі орынбасары Гүлшат Ақылбекқызымен жүздесіп, кәсіби-бағдар беру жұмысының мақсаты, маңызы туралы кеңесті.

2019 жылдың 20 ақпаны күні колледждің атқарушы директоры Л.Ж.Утарбаева, оқу ісі жөніндегі орынбасар Г.Т.Жолдасова, ҒӘЖ жөніндегі орынбасар А.М.Сагидуллина, арнайы пән оқытушысы И.Е.Ибат қаламыздың №10 ЖОББМ-нің базасында оздырылған дәстүрлі Батыс Білім Talks – білім беру лекторийінің ҮІ сессиясына қатысып келді. 

FaLang translation system by Faboba